PŘEZPÓLNY spěwnik


>> připadny spěw wuzwolić <<

  1. Boran so na wójnu hotowaše

  2. Byk ma bomel

  3. Daj dobry wjacor wam

  4. Do Jenkec

  5. Do Popojc ja njepejdu

  6. Do studnički pušćiła

  7. Gólcyk jědźo praskajcy

  8. Ha dali sće nam dali

  9. Ha dže tón mjesačk swjeći

  10. Ha handworska pšaza

  11. Ha hdyž ja ranko domoj dźěch

  12. Ha my smy tu přišli tudy k wam

  13. Ha stawaj horje, holičo

  14. Ha stoj ta woda lěto tam

  15. Ha wudaj so, holička

  16. Hale rozumniše

  17. Hale škoda, jeno škoda

  18. Hdyž k wěrowanju

  19. Hindrašk

  20. Hójbik dwě běłej nóžce ma

  21. Hólčik jědźo z Kulowa

  22. Husacy pastyr (Husy domoj leća)

  23. Chceće wědźeć štó ja sym

  24. Ja som tu móju lubu, lubu lubku

  25. Jědleńki su rubali

  26. Jědnaće ćepješe

  27. Kajcy su to krawcy byli

  28. Křidowje a Jěžowje

  29. Łazu hornjej korčmičcy

  30. Mó smó ći štyrjo wot Klóštera

  31. Morgenrot

  32. Muže, muže, domoj dźiće

  33. Na tej běłej gorje

  34. Nad morjom stejitej hrodaj

  35. Nětko mi powěz, holička

  36. Nichtón domach njej’

  37. Njehladaj, holčo, z woknješkom dele

  38. Njech ta kanka wokoło dźe

  39. Och, holička

  40. Pětrko, Pětrko wjezeš nam kał

  41. Pod Róžantom

  42. Přeco sym ja z tobu rejwał

  43. Přišecach słužiła holička

  44. Rejwaj, mój pohončo, z dźowku

  45. Rjana Hanka, pušć nas nutř

  46. Rjane holcy swjetłych lacach

  47. Sedźała na lipje

  48. Skakała jo wróna

  49. Słužił je hólčik Pančicy

  50. Spórowałej

  51. Sćel, maćje, rjane bjełe łoža

  52. Šła je Hanka tam

  53. Šła jo holčka trawu žnjeć

  54. Šoł jo tón hólčik na hermank

  55. Što tón muž w tej kobjeli ma

  56. Što tu młodu holcu

  57. Štóž so mysle ženić ma

  58. Tam we tym doli hłóbokim

  59. To su konje

  60. Trabuj (Hermank)

  61. Ty dźeš mi twoju dźowku dać (Njelepy brejer)

  62. Ty rozmilony Kito

  63. W zagrodce jerjebinka

  64. We Smolerjec kniharni

  65. Wjedźemy ju

  66. Wón je jej zawdał žołty króš

  67. Wšitka so ta čeledź

  68. Wudaj so holička

  69. Z wečorka, z wečorka

  70. Za čěskimi horami

  71. Zady našej pjecy

  72. Zwotkal sy buriko

  73. Źowčko, coš ga ty se ženiś

  74. Žuricy su hribaki


link k ČILAK-spěwnikej


Boran so na wójnu hotowaše



1. Boran so na wójnu hotowaše,

ha boran so na wójnu hotowaše,

ha wowcka ta jemu tak wotradźeše:


2. Ha njechodź tam, borančko, wójna je zła,

ha njechodź tam, borančko, wójna je zła,

ha ja sym tam wóndano tež pobyła.


3. Ha ja sym tam wopušku přisadźiła,

ha ja sym tam wopušku přisadźiła,

ha ty dźeš tam wotbyć swój kožany měšk.


4. Ha ranca tam piwo sej warješe,

ha ranca tam piwo sej warješe.

Ha z klamu te piwo sej měšeše.


(Kralowy huslerski spěwnik)

wróćo

Byk ma bomel

Byk ma bomel, byk ma bomel,

kruwa nima nic, ako nagi cyc.


wróćo

Daj dobry wjacor wam

1. Daj dobry wjacor wam,

my k wam źomy pó kał.

Dajśo skerjej a lěpjej nam,

až my dalej pśiźomy.

Ten dwór jo dłujki,

ten dwór jo šyroki,

wšyken ceły njemjeśony.

Co stej źowce źěłałej?

Dwóru njejstej wumjatłej?


2. Daj se góspodarjeju

na dobrem jacmjeń raźiś!

Jacmjeń ako błoto, cysty ako złoto,

jacmjeń, rědny jacmjeń!

Daj se góspozy na dobrem lan raźiś!

Lan ako murja, głowki ako kulki,

běły ako šlewjer!

Daj dobry wjacor wam,

my k wam źomy pó kał.


wróćo

Do Jenkec



1. ||: Do Jenkec na piwo njepóńdźemy. :||

||: Jenkečanske holcy hólcow bija. :||


2. ||: Do Dźěžnikec’ chcemy radšo hići. :||

||: Dźěžničanski młóńk ma rjane holcy. :||


3. ||: Naš nan tón ma rjane huste slowki. :||

||: Naša mać ma rjane młode dźowki. :||


4. ||: Přišli hólcy, zjědli nanej slowki. :||

||: Wzali starej maćeri wšě dźowki. :||


(Kralowy huslerski spěwnik)

wróćo

Do Popojc ja njepejdu



1. Do Popojc ja njepejdu,

do Popojc ja njepejdu.

Tam te źołča te gólcy biju.


2. Do Popojc ja njepejdu,

do Popojc ja njepejdu.

Tam ja njekrydnu frištuku.


3. Šołta za mnu z kneblom gnal,

Šołta za mnu z kneblom gnal.

Až som při jogo źołce spal.


(delnjoserbski)

wróćo

Do studnički pušćiła



1. Do studnički pušćiła

swój tón pjeršćeń slěborny.


2. Štóž tam konje napowa,

tón tež pjeršćeń namaka.


3. Hólčik konje napował,

přecy pjeršćeń namakał.


wróćo

Gólcyk jědźo praskajcy



1. Gólcyk jědźo praskajcy

mimo kněžej zarody.

Ejku, dejku, zajdom, zyndom,

cydera ryndrum praskajcy.


2. Ho tej kněžej za'rodźe

sejdźštej dwě gólicy.

Ejku, dejku, zajdom, zyndom ...


3. Prěnja róže šćipašo,

druga sejdźe plakašo.

ejku, dejku, zajdom, zyndom ...


4. Cogdlja plakaš, gólica,

rjanolinka cerwjona?

Ejku, dejku, zajdom, zyndom ...


5. Cogdlja plakać njedyrbju,

ljuby južo nejo tu.

Ejku, dejku, zajdom, zyndom ...


6. Jo mi sljubił zasej pćić,

dyž dźo wjerba wěršnje měć.

Ejku, dejku, zajdom, zyndom ...


7. Wjerba wěršnje njezmějo,

ljuby ten wěc njepćidźo,

Ejku, dejku, zajdom, zyndom ...


(Po: Ach rozmilona lubka mója.
Spěwy ze Slěpego a hokolnych wsow, čo. 3)

wróćo

Ha dali sće nam dali



Ha dali sće nam dali

a my smy rady wzali,

ha pjesnička bje krótka,

a kołbaska bje słódka.


wróćo

Ha dže tón mjesačk swjeći



1. Ha dže tón mjesačk swjeći,

A dže wón horje dže?


2. Wón swjeći po-wšim swjeći,

Na nowy N.N-ec dwór.


3. Ha tam su rjane holcy,

So zdadža pjekne być;


4. Ha ja bych sama rekła,

Zo Hanka lózy nej'.


5. Ha dže tón mjesačk swjeći,

A dže wón horje dže?


6. Wón swjeći po-wšim swjeći,

Na nowy N.N-ec dwór.


7. Ha tam su reni hólcy,

So zdadža pjekni być;


8. Ha ja bych sama rekła,

Zo Handrij lózy nej'.


wróćo

Ha handworska pšaza



1. Ha handworska pšaza,

ha štyri młodźi hólcy.

Ha štyri wuběrane,

ha wuzwolene holcy.


2. Ha burje ty šelma,

ha daj nam tež nyšto.

Ha stary tworoh z koša,

a połčik tučno wu–h–nja.


3. Ha Haša so praša,

ha hdźe je dobre piwo.

Ha měsći pola Fikorta,

ha tam je dobre piwo.


4. Ha pili su hrali,

ha nabili su Hašu.

Ha nabili su Hašu,

ha ćisnyli joh do chódy.


5. Ha što dyrbju započeć,

ha na tym wulkim pachći.

Ha hróch so njeje radźił,

ha žito mało płaći.


6. Ha biła je žona,

ha z motydłom muža.

Ha sydaj mój mužo,

ha na rići doma.


7. Ha wzała muža za brodu,

ha zworała z nim zahrodu.

Ha wosyła sej mak mak mak,

ha wosyła sej mak mak mak.


wróćo

Ha hdyž ja ranko domoj dźěch



1. Ha hdyž ja ranko domoj dźěch

přez jedyn zeleny hajk.

Ha da mje zetka holičo

kiž něhdy moje bě.


2. Ha wona so mje wopraša:

Hdźe sy mój luby był?

Haj, hdźe sy ty mój luby był,

zo ke mni njepřińdźeš?


3. Ha ja sym dźensa druhdźe był

ze swojim towaršom.

Ha ja ́du zaso k tebi přindź

na blišu njedźelku.


4. Ha hejzo njeńdu na blišu,

da tola na dalšu.

Ha hejzo njeńdu na dalšu

da mału kermušku.


(z Radskeje)

wróćo

Ha my smy tu přišli tudy k wam



1. Ha my smy tu přišli tudy k wam,

ha maće-li žanu lubosć k nam.


2. Ha my smy sej hromadźe zradźili,

ha wy so nas njejsće nadźili.


3. Ha dajće nam, dajće, hejz chceće nam dać,

ha njedajće nam tu dołho stać.


4. Ha waše wam błóto teptaći,

na naše nam črije torhaći.


5. Ha hdy by ta hospozka tak dobra była,

ha přeco tu kołbasku cyłu dała.


6. Ha přeco so wona zamoliła,

ha přeco tej kołbascy wobej dała.


wróćo

Ha stawaj horje, holičo



1. Ha stawaj horje, holičo,

ha stawaj horje, holičo, hodeho,

chěža je połna Hodźanow.


2. To njejsu mi nic Hodźenjo,

to njejsu mi nic Hodźenjo, hodeho,

to su mi hólcy Łazowscy.


3. Ha su sej přišli po mój wěnc,

ha su sej přišli po mój wěnc, hědewěnc,

po mój mi wěnašk rućany.


(z Bukec)

wróćo

Ha stoj ta woda lěto tam



1. Ha stoj ta woda lěto tam,

hdźež luby konje napowa,

hdźež luby swoje konje napowa.


2. Ha prjedy hač k njej dójšoł je

sej luby ličko móješe

a potom lubej takle rěčeše:


3. Hdy by so druhim slubiła,

by swojoh luboh zhubiła,

by swojoh dawnoh luboh zhubiła.


4. Ha dokelž njejsy slubiła,

tež luboh njejsy zhubiła,

tež swojoh luboh njejsy zhubiła.


(z Łaza / Kralowy huslerski spěwnik)

wróćo

Ha wudaj so, holička



1. Ha wudaj so, holička, wzmi sej ty mje,

ha při mni ty změješ dobry dźeń.


2. Ha kemši ty njebudźeš chodźić trjebać.

Ha to dźe ći stara mać naprědować.


3. Ha wody sej njebudźeš nosyć trjebać.

Ha to dźeš sej sylzow napłakać dosć.


4. Ha drjewa sej njebudźeš rubać trjebać.

Ha to dźe ći wo chribjet rozlětać dosć.


wróćo

Hale rozumniše



1. Hale rozumniše, rozumniše ćelatko,

hdyž-li frejne pacholo.


2. Hale ćelatko so najě a so napije,

swoju nócku měrnje spi.


3. Hale pacholo so najě a so napije,

swoju nócku přełazy.


4. Hale stareje wón maćerje je rudźenje,

młodych holcow budźenje.


(z Chrósćic)

wróćo

Hale škoda, jeno škoda



1. Hale škoda, jeno škoda

mojich młodych dnjow,

mojoh’ prěnšoh’ wjesela.


2. Hale prjedy, něhdy prjedy,

hdyž ja młody běch,

běch ja wšudźom widźany.


3. Hale nětklej, hale nětklej,

hdyž ja stary sym,

sym ja wšudźom hidźany.


(z Chrósćic)

wróćo

Hdyž k wěrowanju





1. ||: Hdyž k wěrowanju, :||

mój woboj póńdźemoj,

haj zyndom, zyndom, zynduška,

mój woboj póńdźemoj.


2. ||: W prěnich tych wrotach, :||

tam hercy piskaja,

haj zyndom, zyndom, zynduška,

tam hercy piskaja.


3. ||: W druhich tych wrotach, :||

tam steji njewjesta,

haj zyndom, zyndom, zynduška,

tam steji njewjesta.


4. ||: W třećich tych wrotach, :||

tam běłe łoža su,

haj zyndom, zyndom, zynduška,

tam běłe łoža su.


wróćo

Hindrašk



1. Hindraško, ty synko mój,

ha dźeha sy ty čera wečerjał?

Moja luba maćje po' susoda,

ha moja luba maćje po' susoda.


2. Hindraško, ty synko mój,

ha štoda su ći woni dawali?

Moja luba maćje, ha rybički, ...


3. Hindraško, ty synko mój,

ha hdźeda su je woni łójili?

Moja luba maćje, ha 'ródžičcy, ...


4. Hindraško, ty synko mój,

ha čim da su je woni łójili?

Moja luba maćje, ha z widłami, ...


5. Hindraško, ty synko mój,

ha čim da su je woni warili?

Moja luba maćje, ha khachleńku, ...


6. Hindraško, ty synko mój,

ha čim da su je woni won ćahali?

Moja luba maćje, ha z kopołom, ...


7. Hindraško, ty synko mój,

ha wele da sy ty tych rybkow zjjed'?

Moja luba maćje, tón jenički kusk, ...


8. Hindraško, ty synko mój,

ha štó da je te zbótne kruški zjjed'?

Moja luba maćje, tón čorny psyčk, ...


9. Hindraško, ty synko mój,

ha džeda tola je tón čorny psyčk?

Moja luba maćje, so rozpuknył, ...


10. Hindraško, ty synko mój,

ha dže da dyrbju ći ja łóžko słać?

Moja luba maćje, ha na kěrchow, ...


wróćo

Hójbik dwě běłej nóžce ma



1. ||: Hójbik dwě běłej nóžce ma. :||

Hólčik dwě rjanej lubce ma.


2. ||: Hdyž wón z tej prěnjej rěčeše :||

so druha přeco rudźeše.


3. ||: Njerudź so, njerudź, holičo, :||

wšak ja tež tebje lubuju.


4. ||: Wo tajku lubosć njerodźu, :||

hdyž tebje sama njezměju.


5. ||: A wzałoj staj so za ručku :||

a wjedłoj staj so přez łučku.


(z Łaza)

wróćo

Hólčik jědźo z Kulowa



1. Hólčik jědźo z Kulowa,

rjane holčo plějo len.

Wón jej praji: "Dobry wječor!"

Wono běšo swětłu dźeń.


2. "Holčo, ty maš běłoj nóžce,

njewomazaj sej ty jej."

"Što ći jo wo mojej nóžce,

'šak ty njejsy lubu mój."


3. "Ty 'šak budźeš moja lubka,

pój ha dźerž mi konika."

"Konika drje 'cu ći dźeržeć,

lubka twoja njebudu."


4. "Wjele sym jich lubo poměł,

na wšitkich ja zabudu.

Na tebje 'du tej šće zabóć,

hdyž će 'jacej njewidźu."


wróćo

Husacy pastyr (Husy domoj leća)



1. ||: Husy domoj leća, :||

Gjanzor je tam wostał.

||: Štóha po njoh' póńdže? :||

Pastyrjowa žona.


2. ||: Pastyr doma sedži, :||

A sej heju džjeła.

||: Zo 'ce swoju žonu :||

Do smerćje zarazyć.


3. ||: Dže 'džemy ju khować? :||

Do móšacej džjerki.

||: Dže 'dže móška sydać? :||

Baćonjacym 'njezdži.


Nerodny hólc

4. Hólčik 'šitko pšje'rał,

Hólčik 'šitko pšepił,

Ničo 'jacy nima:

||: Štož jenož tu jenu :||

Swoju rjanu holčku.


5. ||: Luby, ja će prošu, :||

Wostaj so ty teho,

||: Wostaj so ty teho, :||

Twojoh' pića, 'raća.


Dušna pšihoda

6. ||: Na tej zelnej łucy, :||

Tam mi pšindže k rucy.

||: Na tej zelnej trawje, :||

Tam mi pšindže prawje.


wróćo

Chceće wědźeć štó ja sym



1. Chceće wědźeć štó ja sym?

Ja sym jenoh bura syn.

||: Mam so mysle ženić. :||


2. Mi so lubi ryzy kóń,

rjane holčo, swětła bróń.

||: Hišće por pistolow. :||


3. Na wójnu ja poćahnu,

burej cholow wostaju,

||: lubce ćeńku košlu. :||


(Kralowy huslerski spěwnik)

wróćo

Ja som tu móju lubu, lubu lubku



1. Ja som tu móju lubu, lubu lubku

z nageju ridom, ridom, ritku

na kopćiwki sajdźił.


2. Wóna jo sebje tajkich bloskow

napariła-riła-riła na te nage

ridom, ridom, ritki.


wróćo

Jědleńki su rubali



1. Jědleńki su rubali,

ha rěbliki su dźěłali.

Do wóknješkow stajeli,

po nich horje łazyli.


2. ’Šitko ćiše spaše

ha štož tym hrodźi běše.

Hač jenož to pacholo,

kiž te hrody wachwaše.


3. Pójdaj, pójdaj, pacholo,

a hdźe tón pan z tej panju spi?

Prěnjej nowej komori

tam tón pan z tej panju spi.


4. Druhej nowej komori

ha tam te dróbne dźěći spja.

Třećej nowej komori

tam su pjenjezy pod prohom.


5. Pana su zarubali,

ha panju sobu woznyli.

Panju sobu woznyli,

pana su zarubali.


6. Kusk tam dale přińdźechu,

ha k młodej pani prajachu:

„Njeje ći žel panika,

twojoh młodoh panika?“


7. Přińdu-li na druhi kraj,

ha druhoh skrydnu panika.

Hišće wjele rjeńšeho

a tež wjele pěknišoh.


8. Kusk tam dale přińdźechu,

ha k młodej pani prajachu:

„Njej ći twojich dźěći žel,

twojich dróbnych dźěćatkow?“


9. Mi njej mojich dźěći žel,

ha mojich dróbnych dźěćatkow,

štož jenož tej jeničkej,

Katyržinki mojeje.


10. Kusk tam dale přińdźechu,

ha mječik z nóžnjow sćahnychu.

Pani hłójčku wotćachu.

Přeco dale jědźechu.


wróćo

Jědnaće ćepješe



1. Jědnaće ćepješe, k holičce dźěch.

Hale dwanaće ćepješe, wot njeje dźěch.


2. Přečo tak zahe, mój luby, dom dźeš?

Hale z nócku sy přišoł ha z nócku zas dźeš.


3. Njewěš dźě, lubčička, daloko mam?

Hale daloko, daloko, boju so sam.


4. Kusk chcu će přewodźeć, daloko nic.

Hale potom dźě dyrbiš sam dale dom hić.


5. Holičo lubeho přewodźeše.

Hale hač tam na wuski puć we dolinje.


(z Wudworja)

wróćo

Kajcy su to krawcy byli



1. Kajcy su to krawcy byli

kotřiž tajki šórc su šili.

Hale na prědku je krótki,

zezady je dołhi.


2. To nic njejsu krawcy wini,

to su młodźi hólcy wini.

Ty dryš pósłać k lěkarej,

tón tež pomhać njemóže.


3. Lěkar tón ći budźe prajić:

Z tobu njeje prawje.

Jebała sy młodych hólcow,

sama sy so zjebała.


4. Holčo jara płakaše,

dźerži synka šórcušku.

Mjelč a njepłać, lube dźěćo,

mi te tebje samo žel.


5. Płakaj holčo, hišće bóle,

hišće wjele bóle.

Trěj sej woči z kamjenjemi,

płakaj hišće bóle.


6. Błazna bych ja tola była,

hale hdy by płakała.

Wjele bóle hišće była,

hdy by sej je trěła.


wróćo

Křidowje a Jěžowje



1. Křidowje a Jěžowje

ha tam je dobre piwo.

Piwo je tam dobre,

ha holcy su tam rjane.


2. Chodźili su tam chodźili,

ha Pazličan, Čornowčan hólcy.

Chodźili su tam chodźili,

ha hač su so zwadźili.


3. Wadźili su so wadźili,

ha hač su so nabili.

Korčmarja su nabili,

ha kachle su jom pobili.


wróćo

Łazu hornjej korčmičcy



1. Łazu hornjej korčmičcy,

pola swjetłoh' wóknješka,

pola jasnoh' mjesačka.


2. Tam sej mój tak prajachmoj,

||: zo mój swojej budžemoj. :||


3. Štóda je tam pódla stał,

||: pola naju zawdaća? :||


4. Cyła gmejna Łazowska,

||: wštitcy sprawni wotročcy. :||


5. Štož pak młodži hólcy su,

||: rachnowani nebudža. :||


wróćo

Mó smó ći štyrjo wot Klóštera



1. ||: Mó smó ći štyrjo wot Klóštera. :||

Pijemo, hrajemo, pijemo,

hrajemo, wjesołi smó.


2. ||: Njech pak mó dźemo, hdźež chcemo přińć. :||

Wšudźom nas korčmarjo,

wšudźom nas korčmarjo rady witaja:


3. ||: Korčmarjo, porjedź piwo nam. :||

Karan nam piwa,

karan nam wina, porjedź ty nam!


4. ||: Hólcy so swěrnje napichu. :||

Wšitko pak swěrnje tež,

wšitko pak swěrnje tež zapłaćichu.


5. ||: Hólcy so domoj hotowachu. :||

Holcy wšě žałostnje,

holcy wšě žałostnje zapłakachu.


6. ||: Mjelčće a njepłačće holcy mi. :||

Maće šće dołho dosć,

maće šće dołho dosć hólcow na šiji.


(ze Skaskowa / Kralowy huslerski spěwnik)

wróćo

Morgenrot



1. Morgenrot, morgenrot,

waša swinja ta jo tot.

Wy sćo źinsa šlachtowali,

jěšnicu sćo gótowali.

Co ga sćo z tym puchorjom?


2. Kusk nam dajśo, kusk nam dajśo

a se nic njezagranjajśo!

Wy sćo jane dobre luźe.

Was my bźomy chwaliś wšuźe!

Tak ak wu was, tak njej niźi!


3. Piwo dajśo, šnaps nam dajśo

a se nic njezagranjajśo!

Wy sćo jane dobre luźe.

Was my bźomy chwaliś wšuźe!

Tak ak wu was, tak njej niźi!


wróćo

Muže, muže, domoj dźiće



1. ||: Muže muže domoj dźiće. :||

Hej, domoj dźiće!


2. ||: Cyłu nóc ze žonu spiće. :||

Hej, žonu spiće!


3. ||: Wostajće šće kwilku sedźo. :||

Hej, kwilku sedźo.


4. ||: Z žonu spać to pon šće tej dźo. :||

Hej, pon šće tej dźo.


(z Njabóžkojc / tekst z Prawoćic)

wróćo

Na tej běłej gorje



||: Na tej běłej gorje. :||

||: Z nogami gorej. :||

Baba chopi z riśu wiś,

zatkaj žěd jej z cyblu riś.


wróćo

Nad morjom stejitej hrodaj



1. Nad morjom stejitej hrodaj,

dwaj hrodaj wysokej,

we jednym rjane je holičo,

we druhim rjany hólc.

Wonaj so lubo měještaj,

hromadu přińdź pak njemóžeštaj.

Wón da swojej lubce napisać,

zo chce ju přez morjo wzać.

Pjatnaćim hudźbnikam hrać chcu dać,

bubnarjam štyrjom zabubnować.

To budźe lubce so spodobać,

zo ja tak wjesoły sym!


2. Haj luby je na morjo wujěł,

na morjo hłuboke.

Za sydom dnjow je tam dojěł,

hdźež lubka čakaše.

Wonaj so ručce zawdaštaj,

hromadźe na čołm poskočištaj.

Wón z pažomaj wjesele zahiba

a bórze dojědźe kraj.

Słyšiće hercow jimaj hrać,

bubnari mócnje bubnować.

Haj, to so lubce tež spodoba,

ha jemu dobro so zda.


wróćo

Nětko mi powěz, holička



1. Nětko mi powěz, holička,

što je mi w lěći bjez zelene.

Jědla steji na hórce je w zymi zelena,

je w zymi młódna zelena.


2. Nětko mi powěz, holička,

što je mi w lěći bjez kwěća.

Paproć steji pod hórku, je w lěći bjez kwěća,

je w lěći cyle bjez kwěća.


3. Nětko mi powěz, holička,

što je mi dróše slěbora.

Česć a wěnašk rućany stej dróšej slěbora,

stej dróšej čistoh ́ slěbora.


4. Nětko mi powěz, holička,

što je mi lóše pjerička.

Zetkawanje naju je mi lóše pjerička,

je lóše drobnoh ́ pjerička.


5. Nětko mi powěz, holička,

što je mi ćeše kamjenja.

Róznohiće naju je mi ćeše kamjenja,

je ćeše młónskoh ́ kamjenja.


(z Łuča / Kralowy huslerski spěwnik)

wróćo

Nichtón domach njej’



1. ||: Nichtón domach njej’, :||

da móžeš so chroble sunyć k njej.


2. ||: Dźi jeno tam dźi, :||

wón tam dawno druhi při njej spi.


3. Hdy bóch ja tam šoł,

druhi bó tam boł,

to bó zakleće mje mjerzało.


4. Hdy bóch ja tam šoł,

nutř tam njepřišoł,

wjele bóle bó mje mjerzało.


wróćo

Njehladaj, holčo, z woknješkom dele



1. ||: Njehladaj, holčo, z woknješkom dele, :||

ha hdyž ja po puću dom pojědu.


2. ||: Ludźo su falšni tu na tym swěći, :||

ha naju tu swěru ’šak zahidźa.


3. ||: Njech woni praja štož jenož ’cedźa, :||

ha swojej pak tola mój budźemoj.


4. ||: Njeńdźemoj nalětko, da dźemoj za lětko, :||

swojej pak tola mój budźemoj.


(z Radšowa / Kralowy huslerski spěwnik)

wróćo

Njech tak kanka wokoło dźe



Njech tak kanka wokoło dźe (dehedehe),

||: hale zo so tež nam dóstanje. :||


(Kralowy huslerski spěwnik)

wróćo

Och, holička



1. Och holička, kotra towarška?

..... ..... towarška,

kiž mało dale stej, dyrej,

tym wěncu zelenym.


2. Och holička, kotry luby jej?

..... ..... luby jej,

kiž mało dale stej, dyrej,

tym wěncu zelennym.


wróćo

Pětrko, Pětrko wjezeš nam kał



Pětrko, Pětrko wjezeš nam kał,

pójedaj, pójedaj, hdźe sy jón brał.

Sym jón brał, sym jón brał, hdźež je wón stał.


(kanon)

wróćo

Pod Róžantom

1. Pod Róžantom leži łučička,

po łučcy jena mi šćežčička.


2. Po łučcy jena mi šćežčička,

rjana běła mi wuteptana.


3. Ha štóha je tola ju wuteptał?

Swjata Marja je ju wuteptała.


4. Ha ducy tam kemši a wote mšě,

ducy tam k nyšporej wot nyšpora.


5. Tam je ju zetkała Hilžbjeta,

jeje ta ćeta, haj Hilžbjeta.


6. Ja budu synka porodźić.

Jenoh synka, haj Jězu Chrysta.


7. To dźe so runje srjedź zymy stać,

hdyž ’dźa ptački w lófće zmjerzować.


8. Ha ty pak ’dźeš synka porodźić,

jenoh synka, haj swjatoh Jana.


9. To ’dźe so runje srjedź lěća stać,

’dźa so w kerkach ptački porować.


wróćo

Přeco sym ja z tobu rejwał



1. Přeco sym ja z tobu rejwał,

ženje njejsym z tobu ležał.

To jo holčo, twoje zbožo,

zo sym přeco nimo bejžał.


2. Hale naša Hanka pjecy spi,

hale hlada, dźe bó hólcy šli.

Hólcy dźěchu, štyrjo běchu,

přece nimo pjecy dźěchu.


wróćo

Přišecach słužiła holička



1. ||: Přišecach słužiła holička, :||

bě mjenowana Haniša.


2. ||: Ha z ranja róže šćipaše, :||

z wječora wěncy wiješe.


3. ||: Na hwězdach běše widźiła, :||

zo dołho žiwa njebudźe.


4. ||: Přišło je wo połnocy tam, :||

zo holčo jara schorjeło.


5. ||: Dźi wšak, mój nano, tyšerej, :||

daj mi tam dźěłać nowy kachć.


6. ||: Ja sym na hwězdach widźiła, :||

zo dołho žiwa njebudu.


7. ||: Hdyž rańše zerje horje du, :||

holička ćiše wumrěła.


wróćo

Rejwaj, mój pohončo, z dźowku



Rejwaj, mój pohončo, z dźowku,

rejwaj, mój pohončo, z dźowku.

To je ta poslednja reja,

to je ta poslednja reja.


wróćo

Rjana Hanka, pušć nas nutř



1. Rjana Hanka, pušć nas nutř,

||: dešćik so tak jara dźe (de he). :||


2. Njech so dźe tak jara hač ´ce,

||: na mnje žadyn nepóńdźe (de he). :||


3. Njechaš ty nam wočinić,

||: da chcemy ći zapalić (de hić). :||


4. Budźeće wy zapalić,

||: da budu was přeradźić (de hić). :||


5. Kak da chceš nas přeradźić,

||: hdyž nas njewěš mjenować (de hać). :||


6. Jedyn rajtar z klóštyra,

||: młody pan tam z Wudworja (de ha). :||


7. Třećeho pak njepowěm,

||: toho nichtón njezhoni (de hi). :||


(z Łaza / tekst z Róžanta)

wróćo

Rjane holcy swjetłych lacach



1. Rjane holcy swjetłych lacach:

||: To je Hanka Mjerzakec. :||


2. Čorny kłobuk z módrym bantom:

||: To je Mikławš Weselic. :||


3. Wonaj mataj wele penez,

||: Lóšt a lubosć 'romadžje. :||


wróćo

Sedźała na lipje



1. Sedźała na lipje: wołała Pilipe!

Pój pój pój Pilipe, mój muž je preč!


2. Sedźała na dubje: wołała Jakube!

Pój pój pój Jakube, mój muž je preč!


3. Sedźała na wjerbje: wołała Jurije!

Pój pój pój Jurije, mój muž je preč!


4. Sedźała na sćinje: wołała Bosćine!

Pój pój pój Bosćine, mój muž je preč!


5. Sedźała na ławje: wołała Pawołe!

Pój pój pój Pawołe, mój muž je preč!


wróćo

Skakała jo wróna



1. Skakała jo wróna

kołowoko młóna.

Mjel mój młóńko mjel, mjel,

mjel mój młóńko mjel!


2. Młóńk jo přepił wjele.

Žona domach mjele. Mjel ...


3. Ralbičanska Madlena

zběha nóžki do wjercha. Mjel ...


4. Běrtlk štundy do słónčka

baba synka přinjesła. Mjel ...


wróćo

Słužił je hólčik Pančicy



1. Słužił je hólčik Pančicy,

rjeniša holička Kukowi.


2. Swěru so lubo měještaj,

słowčko pak hromadźe njeryčeštaj.


3. Štož jenož pojestwa sćeleštaj,

přez teho drobneho sołobika.


4. Přeco je lětał z wjesełymi,

jedyn mól přilećał ze zrudnymi.


5. Přinjes je holičce pojestwa,

zo jeje luby jej nagle schorjeł.


6. Zo jeje luby jej nagle schorjeł,

nagle haj schorjeł a nagle wumrěł.


wróćo

Spórowałej



1. Spórowałej stej se dwě marijance

na jednej zelonej gałužce.


2. Lećelej stej wónej do winowca

pod winowcom sejdźi rjana gólicka.


3. Ta mějašo dwě rjanej jabłučce

tej pósła wona Hermanoju.


4. How maš mój Hermano jabłučce dwě

tej jo ći pósłała twója lubka.


wróćo

Sćel, maćje, rjane bjełe łoža



1. ||: Sćel, maćje, rjane bjełe łoža! :||

||: Hólcy budža pšińć

a łoža dyrbja być. :||


2. ||: Peč, maćje, rjane młode hołbje! :||

||: Hólcy budža pšińć a

hołbje dyrbja być. :||


3. ||: War, maćje, rjane huste krupy! :||

||: Hólcy budža pšińć a

krupy dyrbja być. :||


2. ||: Peč, maćje, rjane mechke blincy! :||

||: Hólcy budža pšińć a

blincy dyrbja być. :||


wróćo

Šła je Hanka tam



1. Šła je Hanka tam

po wodu hač k nam,

zo chce swojoh luboh wohladać.


2. Luby přińdźe k njej,

wuhlada při njej

druhich, cuzych hólcow pjeršćenik.


3. Daj, daj, daj jón zas,

hejzoli chceš kwas

zo mnu hišće hotowany měć.


(z Kulowa)

wróćo

Šła jo holčka trawu žnjeć



1. Šła jo holčka trawu žnjeć

na łučku zelenu.

||: Přijěł jo k ni rajtar, :||

||: na konju šumjelu. :||


2. Stajał jo swojoh konja

pod lyndu zelenu.

||: Přestrěł jo swój mantel, :||

||: na trawu zelenu. :||


3. Syń so ke mni dele,

ty rjane holičo!

||: K tebi so ja njesydnu, :||

||: tej' trawó mało mam! :||


4. Ja ći dobru radu wěm,

chcešli mje posłuchać:

||: Rozrěz sej twój ćeńki šat, :||

||: wobal sej tón małó porst! :||


5. Rjekń ty twojej maćeri,

zo sy so zrězała.

||: Mojej maćeŕ njebdu łhać. :||

||: Ja bdu ji prawdu znać! :||


6. Hdyž budu ju ja wobołhać,

mi dźa so ludźo smjeć.

||: Hdyž du ji ja prawdu znać, :||

||: dźe so ji derje znać. :||


7. Maći, luba maći,

tón rajtar chce mje měć.

||: Dźowka, luba dźowka, :||

||: tych pjenjez mało maš. :||


8. Twój nan, tón wšitko přěhrał jo,

na kóskach přemjetał.

||: To njej' boł mój stary nan, :||

||: hale bě mój młódsi bratr. :||


9. Kóždu zbóžnu njedźelku,

wón bosy kemši dźe.

||: Wokoł' toho kłoboka, :||

||: ma zhniło powrjestło. :||


10. Hišće so jom' wjele zda,

zo złotu bindu ma.

||: Hańba, hańba, lubó mój, :||

||: zo tajki hrozny sy. :||


11. Hańba, hańba žana njej',

hdyž lubka rjana jo.

||: Wón jo so nam přepanył, :||

||: tak runje zwjerchom nutř. :||


12. Zopu jo nam rozkidał,

ha musmuž rozmjetał.

||: Škoda, jenoj škoda :||

||: toh božoh wusmuža! :||


(po Kolbergowej zběrce, str. 289 sć.)

wróćo

Šoł jo tón hólčik na hermank



1. Šoł jo tón hólčik na hermank

do města Špremberka,

haj tirom tirom tirarara,

do města Špremberka.


2. Ha kupił jo za cholow ́ płat

po złotym jedyn łóchć ...


3. Ha šoł jo wón tam krawcej z nim,

om krawcej Nydźanskom ...


4. Kak móžo bóći cholowa,

chópka jej falujo ...


5. Hdyž njemóžo bóć cholowa,

da njech jo štrympica ...


6. Kak móžo bóći štrympica,

pjata jej falujo ...


7. Hdyž njemóžo bóć štrympica,

da njech jo zapłata ...


8. Kak móžo bóći zapłata,

móš jo ju zaćahła ...


9. To tola njebóch nihdy rjekł,

zo móš tak zaćehnjo ...


wróćo

Što tón muž w tej kobjeli ma



1. ||: Što tón muž w tej kobjeli ma,

wón ma wěsće jeja. :||

||: Běžće za nim, hońće jeho,

wzmiće jóm te jeja. :||


2. ||: Što tón muž w tej kobjeli ma,

wón ma wěšće piwo. :||

||: Běžće za nim, hońće jeho,

wzmiće jóm te piwo. :||


3. ||: Što tón muž w tej kobjeli ma,

wón ma wěšće palenc. :||

||: Běžće za nim, hońće jeho,

wupijće jóm palenc. :||


wróćo

Što tu młodu holcu



1. Što tu młodu holcu debuje?

Jeje ličko čerwene,

jeje čółko błyščate:

To tu młodu holcu debuje.


2. Što tu młodu holcu debuje?

Jeje wjenašk rućany,

jeje peršćeń sljeborny:

To tu młodu holcu debuje.


3. Što tu młodu holcu wohidži?

Jeje ručcy mazanej,

jeje nóžcy błóćanej:

To tu młodu holcu wohidži.


4. Što tu młodu holcu wohidži?

Jeje štrympka roztor'ana,

jeje 'łójčka ne'ładžena:

To tu młodu holcu wohidži.


wróćo

Štóž so mysle ženić ma



1. Štóž so mysle ženić ma,

tón njech swěru kedźbu da,

zo by sebi tajku wzał, tajku wzał:

zo so njeby při njej kał.


2. Hdyž sej woznješ tajkulej,

tajku jara młodušku,

młoda ta ma horcu krej, horcu krej,

tej tež kóždy prawy njej.


3. Hdyž sej woznješ tajkulej,

tajku jara staru,

ta ći łazy po dworje, po dworje,

kaž stolětne šerjenje.


4. Hdyž sej woznješ tajkulej,

tajku jara rjanu,

da maš zaso haru z njej, haru z njej,

zo ći łaža druzy k njej.


5. Hdyž sej woznješ tajkulej,

tajku dołhu nohatu,

da dyrbiš sej rěbl kłasć, rěbl kłasć,

hejzo chceš ju trochu zmjasć.


6. Hdyž sej woznješ tajkulej,

tajku jara hubatu,

da njetrjebaš doma psa, doma psa,

wšak maš žonu za psyka.


7. Česnu, lesnu šikwanu,

pěknu bohabojaznu,

tajkulej sej dyrbiš brać, dyrbiš brać,

při tej so ty njeńdźeš kać.


(z Łaza / přez Zejlerja)

wróćo

Tam we tym doli hłóbokim



1. Tam we tym doli hłóbokim

||: stej lipa rjana zelena. :||


2. Moja lubka, mój dyrbimoj nětk rózno hić,

||: ja šće mam sydom lět wandrować. :||


3. Hdyž bě so minyło sydom lět,

a hišće štyri njedźelki,

šła holička do zahrodki.


4. Tam wona sedźo płakaše,

||: na swojoh luboh čakaše. :||


5. Nimo tam rajtował rajtarik,

||: tón so jeje taklej wopraša: :||


6. Přečo ty płačeš, holečo?

Je tebi wumrjeł nan aby mać

aby maš muža lózeho?


7. Mi nic njej wumrjeł nan aby mać,

||: muža ja nimam žaneho. :||


8. Sćahnył je rajtar pjeršćenik,

||: ćisnył jón holčcy do klina. :||


9. Jow maš moja holčka rubiško,

trěj twoje sylzy z rubiškom

a njepłakaj tak jara ’jac!


10. Z tym sym će ja tak spytował,

||: hač sy mi swěrna wostała. :||


11. Dokelž mi swěrna wostała,

da dyrbiš tež nětk moja być,

moja mi luba mandźelska.


wróćo

To su konje



||: To su konje, to su konje,

to su moje konje. :||

Hdyž so na nje sydnju,

šwarne holčo krynju,

to su konje, to su konje,

to su moje konje.


wróćo

Trabuj (Hermank)



1. ||: Trabuj, trabuj, štyri brune! :||

Chcemoj do Wósporka jěć.


2. ||: Do Wósporka přijědźeštaj. :||

Stajił konje tam na dwór.


3. ||: Sam je chodźił po hermanku. :||

kubił lubce hermanka.


4. ||: Jow maš moja luba lubka, :||

jow maš twojoh hermanka.


5. ||: Zo dźeš ty mi swěrna wostać, :||

hač mój hotujemoj kwas.


(z Lipin)

wróćo

Ty dźeš mi twoju dźowku dać (Njelepy brejer)



1. Ty dźeš mi twoju dźowku dać.

Hej lute lory!

Ty dźeš mi twoju dźowku dać.

Klink, klink, žórlija. Zingy, pola, zingy.


2. Moja dźowka je šće młoduška. Hej ...

Moja dźowka je šće młoduška. Klink ...


3. Jara hłupa šće a njerozumna. Hej ...

Jara hłupa šće a njerozumna. Klink ...


4. Ja chcu ju sebi nawučić. Hej ...

Ja chcu ju sebi nawučić. Klink ...


5. Hale z brězowej witku přez ritku. Hej ...

Hale z brězowej witku přez ritku. Klink ...


6. Hale z běłej ručku po ličku. Hej ...

Hale z běłej ručku po ličku. Klink ...


(z Brěžkow)

wróćo

Ty rozmilony Kito



1. Ty rozmilony Kito, co ty sy naźěłał?

||: Fort jo to cełe žyto,

te plowy sy wobchował! :||


2. Naša stara mama, ta źěšo na pěski,

||: ten nan tog měsa njama,

wón žerjo te twarožki. :||


3. A kśicu lubu micu, ten pjac jo šyrocki.

||: Fort su te pjacenice,

njej wěc, ak do gjaršći. :||


(wót Wětošojskeje śoty Christy Elineje, kótaraž jo spiw Pśezpólnym 2015 w Žylowje pśedspiwała)

wróćo

W zagrodce jerjebinka



1. W zagrodce jerjebinka, na dwórje Trinka.

Mutercycka, glědaj, glědaj

kaka ja som pyšna.


2. Cerwjenej kóšulce, śišćanej šorcy.

Mutercycka, glědaj, glědaj

kaka ja som pyšna.


wróćo

We Smolerjec kniharni



We Smolerjec kniharni, kupimy nowinki,

knižki a serbske cejdeje.

Zetkał sym holičku, prosył na kermušu,

přišła pak njej. Ow jej, ow jej!

Słónčko swěći, na wšě dźěći,

w pěsku hraja fojerweru.

Brum, brum, brum-ta, tü, tatü!


(Michał Cyž)

wróćo

Wjedźemy ju



1. ||: Wjedźemy ju, wjedźemy ju,

mamy ju a mamy ju, haj :||

nikomu ju hewak njedamy!


2. Sucha ranca, tučna wopuš,

při zahrodźi, na zahrodźi.

Sucha ranca, tučna wopuš,

domoj běži, wokohoni.

Hdy by měli, da bychmy jědli.


wróćo

Wón je jej zawdał žołty króš



1. ||: Wón je jej zawdał žołty króš, :||

Wona tu bjełu ručku jom'.


2. ||: Tak staj so 'załój za ručki :||

A staj so wedłój pšez łučki.


3. ||: Do pół staj łučkow nepšišłój, :||

A za'rodku staj nadejšłój.


4. ||: Tam staj so delje synyłój :||

A na jabłóčko z'ladwałój.


5. ||: Na jabłóčko staj z'ladwałój :||

Hać staj tam z ćicha wusnyłój.


6. ||: Štó 'dže naj' ranko horjewołać, :||

Dyž budže bjeły džeń bówać?


7. ||: Šak je tam hajku dróbny ptačk, :||

Kiž nócku mi tak małko spi.


8. ||: Tón 'dźě naj' ranko horjewołać, :||

Dyž budže bjeły džeń bówać.


9. ||: Ha switaj, switaj bjeły džeń, :||

Čerwene zera horje du.


10. ||: Štóž je po lubki, holčki był, :||

Ma dawno čas njetk domoj hić.


11. ||: Luby so domoj hotuje, :||

A lubka ćežko zdychuje.


12. ||: Ha zdychuj aby nezdychuj, :||

Ha rózno tola dyrbimój.


wróćo

Wšitka so ta čeledź



1. Wšitka so ta čeledź preč hotuje,

hotuj so ty z nami preč holičo.


2. Z wami sym ja dawno preč hotowa,

hdyž ja nimam česće wjac swojeje.


3. Twoju tu česć chcemy ći zapłaćić,

zapłaćić ći wěnašk twój rućany.


4. Štohada pomhaja mi pjenjezy,

hdyž ja nimam wěnca mi swojeho.


(z ludu)

wróćo

Wudaj so holička



1. Wudaj so holička,

hdyž šće sy młoduška,

hdyž šće twój stary nan,

hdyž šće twój stary nan žiwjenje ma.


2. Wón dźe ći pomhaći

k třom stam tych toleri.

Hišće k tym pisanym,

hišće k tym pisanym posleškam tež.


wróćo

Z wečorka, z wečorka



1. Z wečorka, z wečorka wulka je ćma,

Žaneje šćežčički widžeći nej'.


2. Žaneho ptašatka słyšeći nej',

Štož jenož dróbneho sołojika.


3. Sołojik spjewa, dyž newedro je,

Hólčik tón bježi, dyž wedraško je.


wróćo

Za čěskimi horami



1. Za čěskimi horami

jedna čista studnička.

How, hej, jedna čista studnička.


2. W njej so móhła holička,

rjana běła čerwjena.

How, hej, rjana běła čerwjena.


3. Šła je holčo trawku žnjeć

na te čěske podmjezy.

How, hej, na te čěske podmjezy.


4. Pacholo so wumasa

z jednej małej chójčički.

How, hej, z jednej małej chójčički.


5. Sćahnył hólčik z nóžnjow mjeć,

wotća holčce hłójčku preč.

How, hej, wotća holčce hłójčku preč.


(z Kołpina / přez Jordana)

wróćo

Zady našej' pjecy



1. Zady našej' pjecy

kuntworki hraja, kuntworki hraja,

||: čerwjene zelene suknički maja. :||


2. We tej našej łuži

žaby rjechtaja, žaby rjechtaja,

||: šěre a zelene kabaty maja. :||


3. Zady našej' kólnje

wrobliki twarja, wróbliki twarja,

||: na słabe žito a na burow swarja. :||


4. We tej našej bróžni

šěre myše pišća, šěre myše pišća,

||: k nalěću žito na drohotu ćišća. :||


5. We tej našej pšeńcy

pocpula so chowa, pocpula so chowa,

||: kup mi lik kup mi lik, Juračko! woła. :||


6. Na ponošku našim

sedźa štyri kóčki, sedźa štyri kóčki,

||: łušća tej myšinje slowkowe póčki. :||


7. W kukawach tych našich

škórcy hwizdaja, škórcy hwizdaja,

||: kołbasu zo wulku zajutřišim změja. :||


8. Přez tu našu mjezu

Wochoženjo ćahnu, Wochoženjo ćahnu,

||: wjezu na kermušu kołmazu rjanu. :||


wróćo

Zwotkal sy buriko



1. ||: Zwotkal sy buriko? :||

||: Ja sym z Pěskec,

ja mam tu rjanu Hanku. :||

Kašpor k njej łazy.


2. ||: Zwotkal sy buriko? :||

||: Ja sym tola

tón Pazlčanski Kašpor. :||

Ja k Hance łažu.


(Kralowy huslerski spěwnik)

wróćo

Źowčko, coš ga ty se ženiś



1. Źowčko, coš ga ty se ženiś, glědaj raz,

kakeg muža boš se braś, glědaj raz!

Pśed tej swajźbu taka frejda, glědaj raz,

pó tej swajźbje nic ak płac, glědaj raz.


R: A to małke w bujkach kjawcy,

a to małke w bujkach kjawcy,

hyšći žedna fryštuka, glědaj raz!


2. Źowčko, coš ga ty se ženiś, glědaj raz,

kakeg muža boš se braś, glědaj raz!

zajtša ma tu fajfu w šnawcy, glědaj raz,

a tu flašku w pazorach, glědaj raz!


wróćo

Žuricy su hribaki



1. Žuricy su hribaki,

ha Kašecy jo šiška, Kašecy jo šiška.


2. Wotrowje su prosata,

ha Kanecy jo tykanc ...


3. Swinarni jo nuza,

ha Kukowje jo kruwa ...


4. Pančicy jo wučło,

ha Klóštyrje su bengele ...


5. Jaworje su twarožki,

ha Miłoćicy drjebjenjo ...


6. Njebjelčicy klamarjo,

ha Pazylcy su šlamarjo ...


7. Wudworju jo banda,

ha Worklecy jo šanda ...


8. Nowoj Wjescy jo całta,

po' Opica jo kołbasa ...


9. Hrańcy jo pinca,

ha Nowoslicy šinca ...


10. Nowoj Wsy su handlerjo,

ha Kulow połny paduchow ...


wróćo